24/7

سمعتوا عن فترة الحضانة ؟!!
كلنا عدينا بيها ولسة بنعدي بيها لحد دلوقتي.
مش بتاعة المدرسة.
ﻷ
ابسلوتلي
المدونة المرة دي طبية شوية...
=)

فترة الحضانة دي الفترة اللي بيقضيها الفيروس او الميكروب جوة جسم "العائل" -اللي هو هايبقى مريض، لو مفيش "مناعة وقوية"- بيبقى مع العائل ده 24/7 ، من ساعة الاصابة بالفيروس ولحد ظهور الاعراض، بيبقى ابن حلال اوي، لسة معملش تفعيل للموت بتاعه جوة الجسم ومابدأش تفاعل وتخريب في الاجهزة.
بيقعد يرستأ نفسه وينتشر جوة من غير مايخرب -كتر خيره- وبياخد منظر خلايا صديقة.
فترة الحضانة دي مختلفة من مرض للتاني وعلى حسب مناعة الجسم
في اجسام بتقدر تتغلب على الفيروس قبل ما يخرب ويفعل هلاك الاعضاء. وفي مع الاسف بيحصل دمار بسبب الفيروس ده.
لكن تخلص فترة الحضانة من هنا وبعد ما قدر يسيطر بوجوده على الدنيا جوة، بكل عنف هايبدأ يدمر، ووقتها فعلا مفيش فصال، والخلايا بعد ماكانت فاكرة ان الفيروس خلايا صدسقة ومقبولة، هاتكتشف انها مدمرة وجاية تاخد مكانها.

تُوجَدُ طَرِيقٌ تَظْهَرُ لِلْإِنْسَانِ مُسْتَقِيمَةً، وَعَاقِبَتُهَا طُرُقُ ٱلْمَوْتِ. أَيْضًا فِي ٱلضِّحِكِ يَكْتَئِبُ ٱلْقَلْبُ، وَعَاقِبَةُ ٱلْفَرَحِ حُزْنٌ.
(أَمْثَالٌ 14 : 13 -12)
مش كل تواجد 24/7 هو صحي ومظبوط

حسد ابليس عمل كدة، دخل لي انا آدم وعمل فيها صديق وخايف على مصلحتي
مش كل علاقاتنا صحية وصحيحة، ماننبسطش باهتمام وتواجد ال 24/7 ، ممكن يكون فيروس وشايفه خلايا صديقة.
لكنه بينخر
علاقة فيها
شهوة...
اعتمادية...
استغلال...
سرقة...
العلاقات كتير ومحتاج اقول

"انر يارب بظهورك المحيي الذي لابنك الوحيد ربنا والهنا ومخلصنا يسوع المسيح.
اهدم يا روح الرب حسد ابليس
واملأنا من السلام الذي من السموات
هذا الذي اجناد الملائكة يمجدونك قائلين
المجد لله في الاعالي وعلى الارض السلام وفي الناس المسرة"

عيد الصليب بحسب التقويم القبطي

Roots

لاللي مايعرفش "فادي ليون" اللي هاتكلم عنه

ده كان تؤام روحي، اقرب صديق ليّ... ماكنش فيه حاجة بنعملها من غير بعض.

مات هو ومراته في حادثة في شعر العسل بتاعهم في تركيا يوم 15 يناير 2012، بعد جوازهم ب 6 ايام......

ندخل في الجد

اخر خبطة اخدتها -في العربية- كسرت كلبسات الاكصدام وبقى "نصف واقع" وانا نازل الشغل النهاردة لقيت مش هاعرف اتحرك بيه وهو كدة.

دورت على حاجة اربط بيها الاكصدام واعلقه ملقتش

فتحت شنطة العربية ملقيتش غير كوتشي كنت اشتريته مع حبيبي فادي من مرسى مطروح 2010- وكان فيه ذكريات كتير واحنا بنشتريه -

الكوتشي متبهدل وكانوا في البيت عايزين يرموه، خفت عليه وشيلته في العربية. وانا مش قادر أتخلى عن ذكرى فادي.

فكيت الرباط عشان اربط بيه الاكصدام اللي مانعني من الحركة. 

كنت متألم اوي اني باعمل وباتخلى عن حاجة من ذكرياتي مع فادي.

حاجة كانت ضاربة جذور قوية جوة نفسي.

بس من غير ما كنت اتخلى عن الماضي كنت هافضل مشلول ومش هاروح في حتة.

فيه قرارت مهما كانت مؤلمة وغارزة جذورها جوة النفس وخلعها مميت.

لكن ممكن يحصل شلل وموت.

الاختيار متاح.

Let it go, or you can't go.

ضربني وبكى، سبق واشتكى

راجل كان يعرف بنت وكانوا في علاقة مودة طيبة.
العلاقة اتطورت والراجل ده اغتصب البنت.
وبعدها حس بكمية مشاعر مؤلمة في وجعها
وابتدى في الضغط عليها
ويقولها
"ارجوكي، استري علي، وصلحي غلطتي، حاسس بذنب وحاسس اني ميت"

البنت مستغربة
هو مين اللي عنده مشكلة؟!!!

شعور مؤلم ان حد يبقى مش غلطان ومع ذلك مطالب انه هو اللي يصلح الغلط.

"انا اختطفت لي قضية الموت"
الانسان أذى نفسه
وبعد كده جيه اﻵب وقال هارجع الابن الضال لما اديله حياة ابني الوحيد ويبقى الانسان ابني بالتبني

"لِأَنَّهُ هَكَذَا أَحَبَّ ٱللهُ ٱلْعَالَمَ حَتَّى بَذَلَ ٱبْنَهُ ٱلْوَحِيدَ، لِكَيْ لَا يَهْلِكَ كُلُّ مَنْ يُؤْمِنُ بِهِ، بَلْ تَكُونُ لَهُ ٱلْحَيَاةُ ٱلْأَبَدِيَّةُ."
(يوحنا 3 :16)

وهو ده الابن الضال لما عمل ال μετάνοια وغير فكره ، اﻻب قبله، وصلح كل حاجة و دبح وكسى و احتفل

ملحوظة:
الله اﻵب لم يتعرض لاهانات من الإنسان، ولا تأثر سلباً ببعد الانسان.
الإنسان هو اللي بعد وبقى الميت واﻵب من تحننه بذل الابن -بارادته- عشان حياة الانسان مرة تانية.....

المهندسين في احد الابن الضال 16 مارس 2014
بحسب التقويم المصري للصيام الاربعيني المقدس

بلالين

قابلت رجلا خادم ومرنم وله "طلعة بهية" في اي مكان يتواجد فيه، ويقلبه سماء.
لكنه عندما وضع في موقف اختيار طهارة ونجاسة، اختار النجاسة وعايش في الخطية لسة مع هذه السيدة.
وبيقول "مش هابطل، انا حابب الحياة دي، ومتكيف كدة" ، ولايزال عايش بالوجه الاخر مع اصحابه وفي الكنيسة.
وقت اختيار كيف اكمل حياتي مع من ارتبط، هل اختار "رجل الله" -ذكر أو انثى- لأنه هذه هي الخياة التي اريد ﻷني اريد ان ابني كنيسة مستمرة حية في الملكوت، او اتنازل عن كينونة "رجل الله" ومعية الله، بسبب احتياجي الملح للارتباط.
واقول "اتكل على وربنا يستر" ، "وخدوهم فقرا -روحيا- ويغنيكم ربنا"
ولست اتحدث هنا عن غنى الرب الذي يعطي الجميع بسخاء ولايعير.لكني اتحدث عن اختياري للطريق.
حياتنا مليئة بالاختيارات الصعبة والمؤلمة.

الطريق التي يسلكها رجل الله -بحسب اعتقاده في نفسه- تترجم في التعاملات اليومية في الثالوث الشهير
النفس - الاخر - الله
تترجم في نظرته للاشياء
.....في الاختيارات
....في التعامل مع الاحتياجات.

مهما تصاعد "رجل الله" في سلم القداسة، لايزال لديه احتياجات، تلح عليه.
لكن درجة تعامله معها واسقاطها على الثالوث -الذي ذكرته سلفا- هي ماتحدد ان كان يعيش ك"رجل الله" ام، "الانسان العتيق" المغلف في صورة التقوى.

اعرف ان البلالين ملونة و مبهجة، لكنها "منفوخة على الفاضي"

هل يختار الانسان ان يعيش بحسب الحاجة، ام يقدس الحاجة بحياته في المسيح؟!!

صنفرة

واحد متدلع كان متربي تربية مترفة والدلع الزيادة بوظوه
الولد جرب سجاير وابتدى يتقل العيار وابتدى يدمن
والمخدرات كانت مالية حياته سعادة وبهجة
وكان ناجح ومشهور اوي.
لكنه إكتشف في وقت ان المخدرات دي ماينفعش تكمل معاه
السعادة والبهجة والنجاح دول كلهم زائغين
مفيش حاجة فيهم حقيقي
ابتدى يبعد عن مصادر المخدرات دي
ابتدى يبطل تعاطي
بعد عن اصدقائه اللي كان حاسس وسطهم بتفوقه و شهرته
وقال كفاية تخدير
هو دلوقتي ابتدى يتعافى
ابتدى يحس بالادرينالين نابع من جواه مش مخدر
وكل شهوة وانتعاشة وﻻمحدودية
دول كلهم مزيفين
ابتدى شعور بالمحدودية طبعاً مش بانتعاشة المخدر
وعامل زي الصنفرة عشان طالع من جوة بالعافية
بس هو سعيد ومزقطط بالصنفرة
واحساسه بال....
محدودية

والاسم... "ابن الملك"

امنون كان (ﻻمؤاخذة) تعبان، بس مش مريض زي ما كان بيستهبل. 

كان تعبان في عقله وقلبه...

ليه شكل واسم انه "ابن الملك"
لكنه كان "خنزير" و"كلب" بينهش وعايز حتة اللحمة وخلاص.

استهبل واتمسكن عشان يتمكن
وقعدت تستعطفه انه يرحمها وهو كل اللي مسيطر عليه شهوته وبس.

ولما عمل العملة المنيلة.
رجع كرهها اكتر ما كان مشتهيها
وقرف منها ورماها
ولسان حاله (الحديث الذاتي) .....
"الله يخرب بيتك، انتي اللي خلتيني اغلط"

حبيبي....
ماحدش ضربك على ايدك عشان تعمل القرف ده
انت الشهواني وجواك قرف ومخبيه
وعايش بالذات المزيفة

والاسم....
"ابن الملك"

انبسط بالعار. ...

انبسط بموتك انت واخوك...

انبسط بوجع قلب "ابوك الملك" :'(

لَا يَقُلْ أَحَدٌ إِذَا جُرِّبَ: «إِنِّي أُجَرَّبُ مِنْ قِبَلِ ٱللهِ»، لِأَنَّ ٱللهَ غَيْرُ مُجَرَّبٍ بِٱلشُّرُورِ، وَهُوَ لَا يُجَرِّبُ أَحَدًا. وَلَكِنَّ كُلَّ وَاحِدٍ يُجَرَّبُ إِذَا ٱنْجَذَبَ وَٱنْخَدَعَ مِنْ شَهْوَتِهِ. ثُمَّ ٱلشَّهْوَةُ إِذَا حَبِلَتْ تَلِدُ خَطِيَّةً، وَٱلْخَطِيَّةُ إِذَا كَمَلَتْ تُنْتِجُ مَوْتًا.
(يَعْقُوبَ 1 :13-15)

قبل اي حد انا باتكلم عن نفسي وعن قرفي :')

حتى المسكن بيوجع

يوم الاربع كنت ماشي تحت الشغل، واتزحلقت.
من كتر خوفي عشان وزني تقيل اني اقع اتكسر
فضلت احاول امسك نفسي واظبط نفسي قصور ذاتي
وانا باشد نفسي اتمزقت
دوست كتير عليها يومها وبعديها ولحد النهاردة
ماري صديقتي كنا بنتكلم يوم الخميس، وكان برضه جرى لها كدة من فترة.
وقالتلي " يا ماك لازم تروح لدكتور، الموضوع ممكن يطول ويعمل مشاكل".
قولتلها "رابطها وحاطتلها مرهم مسكن"
رديت "يا ماك ماينفعش تعيش على المسكنات".

روحت للدكتور وعملت اشعة يوم الجمعة وقال لي تمزق في الاربطة
وكتبلي دواء مضاد للالتهابات وفولتارين و مسكن
وقال لي "خاللي بالك ان المسكن ده ممكن يبقى متعب على المعدة"
قال لي كمان "ماتستعجلش recovery ، هياخد وقت
ماتقولش اروح اشوف علاج تاني ولا دكتور تاني، ﻷنه هايديلك نفس المادة الفعالة باسم تاني
وعلاجك هايجيب effect بعد 10 ل 14 يوم

ماخدتش في بالي وقلت "هايتعبني ازاي يعني؟!!"
اخدت الادوية وانا cute وملتزم، عشان رجلي بتألمني فعلاً
بدأت اتعب فعلاً من المسكن

وبقيت مفروم ما بين آلم الإلتهاب و آلم المسكن

H1N1

كنت باسمع امبارح نجوم FM "عيشها بشكل تاني" مع كريم الحميدي (اعتقد ماكنش الحديدي).
كانوا بيتكلموا على اداء الحكومة اللي فاتت بتاعة الببلاوي.
ودخلوا في موضوع تأجيل الدراسة كل شوية.
وكان بيقول "طالما مش عارفين يسيطروا، خليهم يأجلوا كدة احسن"
بسبب فيروس الانفلونزا الموسمي H1N1 المشهورة ب انفلونزا الخنازير.

وكان بيكمل "دول العيال الصغيرة مبسوطين و زايطين بطريقة...!!!، ان مفيش دراسة وعمالة تتأجل"
وبعد كدة هرى شوية وراح قال حاجة استفزتني لدرجة اني شتمته وهو في الراديو وقلتله "انت غبي وحمار"
قال "يابختهم، ياريتني كنت تلميذ في الوقت ده كنت هابقى مبسوط اوي"

طيب دول عيال ومش فاهمين مدى الخطورة و مالهيين في أجازة
انت كبير وفاهم خطورة الظروف اللي فيها موت ومع ذلك اخترت ظروف فيها موت.
كلنا لينا مطلق الحرية في الطريق اللي عايزينه ونختار وبعد كدة هانجني ثمرة الإختيار

«اُنْظُرْ. قَدْ جَعَلْتُ ٱلْيَوْمَ قُدَّامَكَ ٱلْحَيَاةَ وَٱلْخَيْرَ، وَٱلْمَوْتَ وَٱلشَّرَّ، أُشْهِدُ عَلَيْكُمُ ٱلْيَوْمَ ٱلسَّمَاءَ وَٱلْأَرْضَ. قَدْ جَعَلْتُ قُدَّامَكَ ٱلْحَيَاةَ وَٱلْمَوْتَ. ٱلْبَرَكَةَ وَٱللَّعْنَةَ. فَٱخْتَرِ ٱلْحَيَاةَ لِكَيْ تَحْيَا أَنْتَ وَنَسْلُكَ،
اَلتَّثْنِيَة 30: 15, 19

انا اخترت
وَكَانَ لَمَّا أَخْرَجَاهُمْ إِلَى خَارِجٍ أَنَّهُ قَالَ: «ٱهْرُبْ لِحَيَاتِكَ. لَا تَنْظُرْ إِلَى وَرَائِكَ، وَلَا تَقِفْ فِي كُلِّ الدائرة. ....».
اَلتَّكْوِينُ 19: 17

مسامحة الإهانات للقديس يوحنا الذهبي الفم

 "إنكم إن غفرتم للناس زلاتهم يغفر لكم أبوكم السماوي زلاتكم ، وإن لم تغفروا للناس زلاتهم فأبوكم أيضاً لا يغفر لكم زلاتكم" (متى6: 14). إنّ طَلَب السيد يسوع المسيح مزدوج: أن نشعر بزلاتنا، وأن نسامح الآخرين. فمعرفة الإنسان بخطيئته ضرورية ليسهُل عليه مسامحة سواه، لأنه بنظره إلى خطيئته الخاصّة يسامح القريب إن سقط.يجب أن نسامح الآخرين ليس بالقول بل بالفعل ومن القلب حتى لا نحوّل السيف إلينا بواسطة الحقد. فالذي يهيننا لا يسبّب لنا الضرر بقدر ما نسبّبه لأنفسنا باندفاعنا إلى الغضب وتعريض ذواتنا للدينونة من الله.فإذا أحببنا الذين يهينوننا فإن شرَّهم يقع على رؤوسهم ويعانون الآلام بسبب هذا، وبالعكس إذا غضبنا نعاني الآلام وحدنا. لذلك، لا تقلْ إن فلاناً أهانَك وألحق بك شرّاً عظيماً. كلّما أكثرت الكلام، تبدّد بجلاءٍ إحسانَ عدوك إليك، لأنّه بتعديه يعطيك سبيلاً للتخلّص من خطاياك.فبمقدار ما تكون الإهانة عظيمة تكون سبباً لتطهير نفسك من الأعمال غير المشروعة. فلا أحد يقدر أن يهيننا إذا أردنا، لأن ألدّ أعدائنا يقدّم لنا المنفعة بعداوته. ولماذا نتكلم عن البشر؟ فإبليس يقدّم لنا الواسطة لنتمجّد أيضاً، كما رأينا هذا في أيوب المعذّب كثيراً، وإذا كان إبليس نفسه يسبّب لنا المجد، فلماذا نخاف العدو؟ لنوجّه انتباهنا إلى الخيرات التي نحصل عليها، إذا تحملّنا الإهانة بصبر. من لا تغضبه الإهانة، يفضّله محبوه. ومن يبتعد عن الغضب لا يكرهه مخالطوه. ومن لم يجرّب العداوة بنفسه لم يجرّب الحزن أيضاً. ومن لا يعادي القريب ليس له أعداء، ويحصل على رحمة الله. فإن أبغضنا الآخرين نقاصِص أنفسنا. وإن أحببناهم نحسنُ إلى أنفسنا. إذاً لا نضمر العداوة لأحد حتى نستحق محبة الله. وحتى إن كنا مدينين بوزنات عديدة يتحنن العلي ويرحمنا. وإن كنا خاطئين نحصل على تركِ خطايانا. وإن كنا أبراراً ندخل السماء بسهولة. هل أهانك القريب؟ تساهلْ معه ولا تضمر له البغض، اذرفْ الدموع وابكِ، لأنك لم تسخِط الله بل قريبَك. إنك بإحتمالِك الإهانة تعمل عملاً مبروراً، تذكّروا أن السيد المسيح لما كان ذاهباً ليموت على الصليب كان مسروراً وصلّى من أجل الذين صلبوه، فيجب على تابعيه أن يتشبّهوا به، لأن الإهانة الموجّهة إلينا تنفعنا، فلا ينبغي أن نحزن لأجلها. هل القريب افترى عليك أمام الآخرين؟ إنه بعمله هذا سبّب لنفسه القصاص وعرّض ذاته للمسؤولية، لا لأجل أعماله فحسب بل لأنه أدانك أيضاً. وإذا لم يقنعك هذا القول فتذكّر أنّ الشيطان نفسه قد افترى على الله وعلى البشر الذين خلقهم وأحبّهم كثيراً. إن ابن الله الوحيد نفسَه تحمّل الشتم والإهانة. ولذلك قال: "إذا كان ربّ البيت قد سمّوه بعلزبول فكيف بالأحرى أهل بيته" (متى25:10).والروح الشرير لم يشتم المسيح المخلّص فقط بل افترى عليه بجرائم عظيمة مسميّاً إياه مسكوناً ومرائياً وعدواً لله. أمّا القريب الذي أهانك أمام الجميع فقد ثلم شرفَه وشان عرضَه وأعدّ لك الأكاليل. فاحزنْ، إذاً، لأجل مَن أهانَك وافرحْ من أجل نفسك لأنك تمثّلت بالله الذي "يطلع شمسه على الأشرار والصالحين" (متى45:5). وإن كنت عاجزاً عن التشبّه بالله، وهذا لا يعسر على النشيطين الصالحين، فاقتدِ بيوسف العفيف الذي تحمّل المصائب الكثيرة من إخوته ثم أحسَنَ إليهم ولم يذكر سيئاتهم. انظر إلى موسى الذي رأى الله وكان يصلّي من أجل اليهود الذين سبّبوا له شروراً كثيرة. انظرْ إلى رسول الأمم الذي احتمل الإهانات والإضطهادات من اليهود ثم أراد أن يحمل عنهم اللعنة. اعتبر رئيس الشمامسة استيفانوس الذي رُجِم بالحجارة، ومع هذا فقد صلّى لمسامحة خطايا قاتليه.
فليتذكرْ كلٌّ منا هذا وليكفّ عن بغضه حتى يتركَ الله لنا ما علينا بنعمة سيدنا يسوع المسيح المحبّ البشر الذي له مع الآب والروح القدس المجد والملك والشرف والسجود من الآن والى دهر الداهرين، آمين.